>>>فلسطيني<<<

بسم الله الرحمن الرحيم



فلسطيني



فلسطيني ممنوع تعيش
قالولك اسكت متحكيش
انت خلقت للتطيش
للحواجز للمصايب للتفتيش

كتبوا على جبينك ينداس
من الضابط للشاويش
فلسطيني ممنوع تثور
ومش مسموح تكون منصور
اياك اطالب بحقك اوعك بيوم تشوف النور
ممنوع اتجدد هوية
ممنوع اتجدد بسبور
فلسطيني وبدك تتعلم هاي الشغلة ضد الدستور
فلسطيني لازم تتألم مندون ميشوفك دكتور
فلسطيني بكل المطارات اسمك بلأحمر مكتوب
وعلى شباك مصلحة الجوازات كتبوا على جبينك مطلوب
لازم تتوقف ساعات مذنب او مندون ذنوب
ويتوجه الك اتهامات انك سبب كل الحروب
وكأنك سبب النكسات وكل ازمات الشعوب
وبسببك الحق مات والعدل بوطنك مسلوب
وبسببك محتل فات ع جنين بلحظة الغروب
ودبح صبيان وبنات وعجز على امرها مغلوب
فلسطيني ممنوع تتظلم ولا يطلع بجناحك ريش
فلسطيني ممنوع تعيش
هاي دنيا بس للخفافيش