الان جهز جيشك للقتال في افضل لعبة اون لاين

الان افضل لعبة اون لاين لعبة قائد الجيش علي هذا الرابط
[ندعوك للتسجيل في المنتدى أو التعريف بنفسك لمعاينة هذا الرابط]
شرح اللعبة
أولاً :
قائد الجيش :
استراتيجيات البدايات

انت الحين سويت دولة وتركتها لمدة 3 ايام وصار عندك 365 دور واراضي ...
لكنك ماتدري كيف تبدا

طبعا انت وضعك الحين تمام التمام بسبب انك تركت دولتك وجمعت ادوار واراضي
هي أهم مافي اللعبة ، كثير من الناس وانا منهم اول مايبدا تكون يده تحكه
فيبدا يشتري سلاح ويبني مصانع ويخلص ادواره ثم يقعد ينتظرهن حتى يكتملن من
جديد ، وأحيانا وهو ينتظر يجي من هو اقوى منه ويدبغه ويطلعه برا اللعبة


بس انت إلى الآن في طور التأسيس ، واللي ابيك تسويه الحين انك تروح للأمم
المتحدة بتلقا خانة طلبات بالرشوة ، ادخلها ودور لك اي طلب تلقا فيه رشواي
بالخمسين مليون ، وقم بالتصويت لصالح صاحب الرشوة ، طبعا بشرط انه مايكون
****ي أو أي جنسية أخرى ضد عربي ، يعني لو لقيت ****ي ضد ****ي او صيني
مافيه مشكلة

بعد كذا بتلقا معك مبلغ محرز ، تروح لخانة "التجارة" وتبني خمسين مصنع
ألماس وثلاثة مصانع أقمار ومصنعين صواريخ اس دي آي اللي هي مضادة
للباليستية ، عملية بناء المصنع الواحد تكلفك ثلاثة ادوار : 3×55 = 165 دور
أنفقتهن في بناء المصانع ، بعد كذا تروح " اشتري وحدات " تشتري بالمبلغ
المتبقي معك ثلاث أنواع من الأسلحة : دبابات ، طيارات ، مضاد طيارات ، كل
نوع ثلث المبلغ ، وطريقة الحساب بسيطة ، تفتح آلة حاسبة وتقسم العدد الذي
تستطيع أن تشتريه من الدبابات على ثلاثة ، تحط الرقم اللي يطلع لك في خانة
كم تريد أن تشتري ، وتسوي نفس الشي مع الأنواع الثانية

لما تتم عملية الشراء بتحصل ان رصيدك من الكاش ارتفع ، وايضا انتاج المصانع
زاد ، والسبب ؟ الجواب انك بإنفاقك لثلاثة أدوار في عملية الشراء قمت
بتنشيط المصانع

الخطوة التالية تروح "بيع وحدات " ، وتشوف كم تقدر تبيع اقمار وصواريه اس
دي ، وتحط الرقم كامل ، وتبيع

كذا صار معك كاش واجد ، تروح تعيد عملية شراء الأسلحة بنفس الطريقة ، أهم
أسلحة تركز عليها الآن هي الدبابات والطائرات والمضادت ( مهوب الحيوية )
اقصد مضادات الطائرات

برضو بيزيد الكاش معك ، وهنا فيه خطر انك تقفل الشاشة وتروح ثم يجونك
الحنشل يسرقونك ههههههه ، لأ فيه دول مطفرة فيقوم بإرسال الكوماندوز يسرقون
فلوس ويرجعون ، طيب وش تسوي ؟ الجواب بسيط : الكوماندوز يقضون عليهم
الجنود .. فالكاش اللي معك تروح وتشتري فيه جنود بس لايكونون أكثر من 40
ألف جندي ، إذا كان الرقم اللي تقدر تشتريه اكثر من كذا بفرق كبير مرة أقسم
المبلغ اللي معك بين الجنود والدبابات بحيث انك تشتري 40 الف جندي والباقي
دبابات

فيه خطوة ثانية مهمة جدا ، بما انك انفقت ادوار كثيرة ففيه طريقة لكسب
مايعادل 22 دور ، روح خانة "ادوار اضافية " بتلقا " استمارة الملاحظات"
اضغط عليها واملأ الاستمارة بأي كلام ، كذا انت كسبت خمس ادوار وهذي
الاستمارة تعبيها فقط مرة وحدة وبعدين تختفي ، لكن فيه حاجة ثانية تسويها
بشكل يومي وهي "التصويت لقائد الجيش" تضغط عليه بيطلع لك جدول فيه 17 موقع
تصويتات تضغطها وتفتحها كلها في نوافذ مستقلة وبعدين تقفلها كلها ، بعدين
تضغط على "القائمة الرئيسية" تطلع لدولتك تلقاها زادت 22 دور ، وبكل يوم
تدخل الدولة وتسوي التصويتات تعطيك 17 دور ، والنظام يعطيك دور واحد وأرض
وحدة كل 20 دقيقة ، يعني في اليوم الواحد بتكسب 72 دور + 17 دور تصويتات =
89 دور .. نعمة ، هذا طبعا اذا ماجا احد ودبجك وطلعك برا اللعبة وانت نايم
في العسل

أنصح أي دولة جديدة انه مايسوي شي الا بعد ثلاث ايام عقب مايكتمل عنده فوق
360 دور وأرض لأن الادوار هي أساس اللعبة

بعد بناء المصانع تأتي عملية شراء الأسلحة بالكاش المتبقي ، والكاش اللي
بيصير عندك من انتاج المصانع اللي مثل ماقلنا تركز على ان يكونن من نوعين :
الماس & أقمار صناعية .. وخاصة الأقمار لأنها تجيب لك كاش واجد ... بس
لاتكثر منها لأنها ترفع قدرتك الكلية وتضعك مع ناس عندهم أسلحة فيمكن
يخططون يهاجمونك اذا اشفوا ماعندك سلاح

يعني خل النسبة 70% الماس .. 30% اقمار

وفي مرحلة متقدمة تتعدل النسبة عشان تكثر من مصانع قذائف اس دي اي .. لأنها
هي اللي تحمي مصانعك

بالنسبة للأسلحة أهم شي في مرحلتكم الآن ثلاثة أنواع : الدبابات &
الطيارات & مضادات الطيارات .. وشوية جنود

وأذكركم : لابد من قراءة "التوجيهات" وهي شرح كامل ومفصل عن اللعبة في ست
صفحات باللغة العربية ، بعد كذا قد تكون بعض الأمور غير واضحة ممكن تسأل
عنها وبتلقا الأجوبة حاضرة إن شاء الله

واذكرك بحاجة ثانية مهمة جدا جدا ...لازم تسوي لك دولة احتياط عشان ماتتحطم
ذا طلعت دولتك برا ، لكن لازم تحط في بالك حاجة ... الدولة الاحتياط تسوي
لك كل يومين دولة .. عشان النظام مايكشفك ويمسح دولك

ملاحظة مهمة :

ارتفاع القدرة الكلية بدون السير على استراتيجية التأسيس الصحيحة وهي تقوية
الأسلحة الدفاعية مع بناء اقتصاد قوي عن طريق المصانع ... الارتفاع بدون
هالشيئين يجعلك تعتبر صيدة ممتازة ... يطبون عليك ويدبجون وياخذون الاراضي
اللي انت قاعد تجمعها منذ تأسيس الدولة وربما ياخذون الكاش اللي عندك
ويطلعونك برا اللعبة

اترك دولتك ثلاث اربع ايام لين تجمع ادوار واراضي صح ثم اتجه لأخذ الرشوة
وابدأ في وضع مناجم للألماس لأنها تعطيك كاش بدون ماترفع قدرتك الكلية ...
مع نسبة قليلة من مصانع الأقمار .. يعني مثلا ضع 5 الماس وواحد اقمار ....
ثاني يوم بتلقا عندك كاش ، ضع خمسة الماس وواحد اقمار مرة ثانية ... ثم
يزود الكاش عندك ضع سبعة الماس وثنين اقمار

وبعدين يصير عندك فائض مالي تشتري فيه الأسلحة الدفاعية : الدبابات +
مضادات الطائرات + الطائرات ، وقيل من الجنود

حتى يصل مالديك من الدبابات إلى 100 الف دبابة و15 الف طائرة و 120 الف
مضاد ، وقرابة 30 الف جندي ... طبعا ارقام تقريبية

بعدها تزود مصانع الأقمار شوي ... ثم تبدأ تبيع في الأقمار وتضع مصانع مهمة
جدا وهي مصانع اس دي اي ، وهو الذي يحمي مصانعك من القصف ، وأيضا لاتنسى
تشتري من هذا السلاح المهم بين فترة وفترة


بعد أن تدعم دفاعك ضع مصانع للسلاح المهم .. من كل نوع مصنع ، مثال : مصنع
دبابات ، مصنع طيارات ، مصنع مضاد طائرات ، مصنع غواصات .. الخ الخ .. بدون
ماتفكر في مصنع او مقر تدريب الجواسيس أبدا
ملاحظة مهمة أخرى :

حاول أثناء بناء دولتك انك تطور تكنولوجيا المصانع العسكرية والمدنية حبة
حبة ... لأن التنولوجيا تضاعف انتاج مصانعك وتسرع من عملية التطوير ...
بتقول لي كيف ووش سالفة التكنولوجيا ذي ... بقول لك انظر الجزء الثاني من
الموضوع.

------------------------------


ثا نياً :

قائد الجيش : التكنولوجيا .. هدفك الأول في اللعبة



بعد ماخلصنا من استراتيجية بناء الدولة وبداياتها ، نتكلم عن أهم شيء في
اللعبة وهو التكنولوجيا

اعلم أنه مهما وضعت اسلحة في دولتك وبنيت مصانع بتجي يوم وتلقا دولتك مدمرة
لأنه بيجي شخص أقوى منك ، قد تكون كمية الاسلحة بينك وبينه متقاربة ، سر
تفوقه يكمن في التكنولوجيا

اذهب الآن إلى خانة "البحث" في دولتك ، طبعا لبحث ذي مالها أي علاقة
بالدبابيس

تأمل في القائمة واقرأها جيدا خانة خانة سوف تجد التكنولوجيا مقسمة إلى
جداول ، تكنولوجيا اسلحة ، تكنولوجيا مصانع الخ الخ الخ

وبتلقاها نوعين

النوع الأول : تحسين مرة وحدة ، تشتريه لمرة وحدة ويظل عندك مايروح أبدا (
الأسلحة غير التقليدية مثل النووي والكيماوي ، الحماية ضد عمليات التجسس
والتخريب مثل الحراس الاوزبك وكلاب الحراسة وانقطاع التيار وغيرها )

النوع الثاني : مستويات ، تشتري كل مستوى لمرة واحدة ويظل عندك مايروح ابدا
، حتى تنتقل للمستوى الأعلى ( الاسلحة التقليدية دبابات وطيارات الخ الخ ،
دفاع مضاد للالغام ، البالستي والدقة البالستية .... أي شي تلقا قدامه
كلمة مستوى 0 وبعدين اذا اشتريته تلقاه صار مستوى 1 )

النوع الثالث : مستوى واحد لمناسبة أو فترة واحدة ( الالغام ، الحرب
الالكتروينة ، الاقنعة والملاجئ .. اي شي تلقا قدامه شرح انه هذي لها مدة
محددة او مناسبة محددة مثلا الالغام تحميك من هجوم كامل واحد ثم لازم ترجع
تشتريها مرة ثانية ، الحرب الكترونية تستخدمها في ضربة طيارات واحدة ثم
ترجع تشتريها ، والاقنعة والملاجئ محدودة بثلاث ايام ثم ترجع تشتريها )



بتلاحظ قدام كل تكنولوجيا السعر حقها ، وبتلقا جنب التكنولوجيا علامة فيزا
او تلقا كلمة "غير متاح" هذا يعني انك مامعك كاش يكفي

طيب والحل ؟

الحل بسيط ... بعد ماتطبق استراتيجة البدايات في الموضوع السابق وتبني
مصانع ويكون عندك مصانع كثيرة وخاصة الاقمار تجي يوم وانت مفلل ادوار 356
وتبيع الكل كم مرة حتى يتوفر عندك كاش

أول شي تعمله تشتري نوعين من التكنولوجيا وهي : الاقنعة والملاجئ ، والسبب
ان سعرها يرتفع اذا ارتفعت قدرتك الكلية ، وبالتالي خذها برخص وبتستمر معك
ثلاث ايام تستفيد من فرق المبلغ

بعدين ابن لك 50 مصنع اقمار دفعة واحدة ب 150 دور على اعتبار ان عندك من
اول 50 او اكثر مصنع مثلا المجموع 100 او اكثر ، يبقى عندك 150 دور تروح
تبيع الكل حتى يتوفر معك كاش

( ملاحظة : رح شوف قدرتك الكلية بعد ماتبني مصانع اقمار كم صارت وقارن بين
الرقم وبينه بعد ماتشتري التكنولوجيا )

أهم تكنولوجيا

تبدأ فيها هي تطوير المصانع العسكرية والمدنية ، العسكرية أول تشتريها
متسوى مستوى حتى تصل للأعلى ، ثم تشتري المدنية حتى تصل للأعلى

فائدتها انها تضاعف انتاج مصانعك من الاقمار وقذائف اس دي اي ( القذائف
مهمة لأنها تحمي مصانعك ) والمدنية تضاعف الكاش اللي تعطيك اياه مصانع
الألماس اللي عندك

بعد كذا تبيع اقمار وتشتري اسلحة وركز على ( الدبابات + مضادات الطائرات +
المروحيات + اس دي اي )

ملاحظة : لم نكن نهتم بالمروحيات في السابق حتى دخلنا في حروب مع الصينيين
وشفنا خسايرا الكبيرة لما نهاجمهم بسبب مروحياتهم )

تخلي دولتك ثلاث ايام ، واذا ستر الله عليها مادمروها بتجي تلقا ادوارك فل
تبيع انتاج مصانعك


وتنتقل إلى تطويرتكنولوجيا الأسلحة

تبدأ بالدبابات والمضادات أهم شي ثم بعدها المروحيات والطائرات ، ثم بعدها
تطوير قذائف اس دي اي

ابتعد عن ( الجنود + المدفعية + السفن + الغواصات + التجسس بالاقمار
والجواسيس ومضاد التجسس ) حالياً

طبعا في هالأثناء لازم تكون اشتريت عندك بعض التكنولوجيات المهمة مثل :

الاقنعة والملاجئ : مرة ثانية لأنها حتكون انتهت بمرور ثلاثة ايام

انقطاع التيار : حتى مايقدرون يتجسسون عليك وبالتالي مايعرفون ان اسلحتك
ماهناش أثناء التطوير

الحراس الاوزبك : حتى مايغتالون زعيم البلد وبالتالي تنتهي دولتك

كلاب الحراسة + البنك الآمن : تقدر تخلي كاش وانت مطمن عليه مايسرقونه

الألغام : لحماية دولتك من الهجوم الكامل



بعد كذا تبدا كل ماصار عندك ادوار كثيرة تبيع الكل كم مرة وتطور تكنولوجيات
الأسلحة المهمة ، ثم تنتقل للتكنولوجيات الثانية ، وأهمها بعد تطويرا
اسلحتك التقليدية طبعا هو تطوير قذائف اس دي اي لأنها تحمي مصانعك ، وبعدها
تطور البالستي والدقة البالستية ... لأن هذي اسلحة هجومية ماتحتاجها في
البداية الا قليل

تلاحظون التركيز على الدفاع لأنه هو المهم ، ليس المهم انك تحارب حاليا بل
انك تبني دولة قوية ، وممكن تدخل حروب استثنائية بين فترة وفترة عشان تجرب
امورك بس حاول انها تكون حروب مع خصوم ضعفاء وبدون أحلاف قوية عشان مايردون
عليك وينتفونك انت ودولتك برا .

------------------------------

ثالثاً ... وأخيراً :
ال داع م



اذا تدمرت دولتك راحت عليك كل التكنولوجيا اللي انت تعبت في جمعها ، لكن
اذا كان معك "الداعم" بإمكانك انك تنقل التكنولوجيا كلها الى دولة أخرى غير
اللي تدمرت وتواصل اللعب بنفس القوة التكنولوجية اللي كانت عندك بس بيتغير
عليك طبعا قوة الدولة الصناعية والعسكرية وهذي بيسهل تعويضها لكن
التكنولوجيا صعب تعويضها

الداعم هذا تشتريه بفلوس ... فلوس حقيقية مهوب مثل ضرب المليارات اللي تجيك
من بيع الاقمار

وللأمانة أخي المبتدئ يجب أن تعرف ان هناك آراء مختلفة وقناعات متضاربة حول
مسألة شراء الداعم وإنفاق مال حقيقي على اللعبة ، المعارضون يقولون انها
لعبة وماله داعي اضيع فلوسي فيها ... او يقولون ان صاحب اللعبة ****ي وانا
بكذا ادعم منتج ****ي بأموالي

المؤيدون يقولون اذا بغيت تلعب العب صح ولا ماله داعي تضيع وقتك وجهدك ...
وينظرون للمسألة على انها نوع من انواع الحرب الالكترونية بيننا وبين
ال**** وانك ممكن تنفق مال قليل من اجل ان تستمر في اللعبة بشكل قوي وتنافس
ال****

يسلمو ايديك
اختي

يسلمو
الله يعطيكي الف عافيه
بنت فلسطين

شكرا الك 
يعطيك الف عافيه

تشرفت بمرورك اخي ابو المجد