انا مش انسان مثالى..!!!

هاني حوراني: --عضو مبتدىء--; عدد المساهمات : 63
الجنس :
العمر : 35
العمل : طالب/G.D
المزاج : هادئ

مساهمة رقم 1

انا مش انسان مثالى..!!!

من طرف هاني حوراني الجمعة ديسمبر 12, 2008 4:25 pm

انا مش انسان مثالى
انا مش عاجبنى حالى
انا مشللى كنت بتمناه ..
من سنييييييين ..

انا كنت طيب حنين
انا كنت بسيط و هين
انا كنت ببكى دموع
لو شفت انسان حزيييين ..

تعبت و مش قادر اكمل ..
أعصابى مش بتستحمل
انا بموت ف اليوم بدل المرة
خمسيييييين ..

انا ضايع ف الدنيا
و مش لاقى حتى تانية
و بيقولوا الدنيا فيها كتير
طيب .. هم فييييييين ؟؟

فرحان و زعلان و غلطان و مش غلطان
قاسى و حنين و وحش و إنسان
راضى و مش راضى و متعصب و مخنوق
فايق و غايب عن الدنيا و الأيام

متكسر و متحسر و مش باكى على حاجة
بتغير و متضايق من الدنيا القلابة
صابر غصب عنى و من صبرى بغنى
و يا مين يسمعنى من الناس الغلابة

أحسن من غيرى و بحاسب ضميرى
و كل ما أسيب تفكيرى يرجع و يجيلى
و أشوف شريط حياتى و أفتح في ذكرياتى
و يا مين ياخد بإيدى لطريقى وسيرى

زعلان من نفسى و صعبانة عليا
حاسس بيها و هية مش حاسة بيا
مخاصمها و هية مخصمانى
بتتعبنى و أنا مستكفى باللى فيا ..

مستقوى و أنا أصلا من جوة غلبان
عامل هادى و أنا مخبى بركان
مش عارف أتصرف و تايه في الحياة
وحشتنى الراحة .. و وحشنى الحنااااااااااااااااااااان

بسأل نفسى ألف سؤال ملهمش حل
نفسى فى قلب طيب ابيض زى الفل
يجاوبنى و يريحنى و يرضينى بعد عذاب
و ياخد بإيدى و يخطفنى من الكل ..

و من الآخر و في الآخر و الآخر مش أخير
أنا خايف عالبرج اللى فاضل يطير
شايف نفسى احسن من اى خاين غدار
و شايف نفسي احسن من اى انسان حقير

و اكيد هييجى يوم هبقى اللى على بالى
و أكيد إللى نفسى فيه ده مش إنسان خيالى
و مش هرضى بأقل من اللى كان نفسى فيه
أنا واخد الدنيا جد و مش لعب ولا تسالى

مع إنى ..
مش مثالى ..