كرسي الاعتراف مع الاخت نزاليه وافتخر؟؟

اختي العزيز ه انا جايبلك اكم من سؤال ما بعرف اذا صعبين ولا لاء بس كتير بيفسرو شخصيتك اذا كانت اجوبتك صريحة والاسئلة هي:


بالعكس اخي المارد الاحمر شي بشرفني كتير وانت الك الاحقية تسال الاسئلة شو ما كان عددها واحنا حاضرين بالاجابة بس يا ريت تحكيلي شو طلع معك بتفسيرك لشخصيتي

:
1.لو قالوا لك اختصر أحلامك فما ستقولين؟
رح اكون صريحة انا احلامي مش كلها امور دنياوية وبكل امانة احلامي انو ربنا و رسولو و امي وبابا يكونو راضين علي تمام الرضى و اعمل الخير لاخر يوم بعمري و يكون الي مشروعي الى يكون دخلو للفقراء و المحتاجين .




2.لو قالوا لك غدا تموتين فما ستفعل بعيد الشر طبعا ؟
بصراحة اخي انا دايما بحكي ما بدي اعيش اكتر من عمر 50 سنة انا مو قد هالدنيا بصراحة و الصراعات الى بتسير فيها عشان هيك الى رح ازعل عليه ان ما عملت لاخرتي اشياء كتير قيمة اقابل فيها ربنا و الى رح يحز بقلبي دمعة الغوالي عليي

3.لو قالوا لك نرجع للماضي فماذا ستأخذ ين معاك؟



والله ما نفسي اخد شي غير اني ازود من اعمال الخير اكتر واكتر بس الاشياء الى بالدنيا ما بتساهل ترجع

4.لو قالوا لك اختر خبر يسرك وحنا نحقق؟
انو ربنا يعطي لماما وبابا و خواتي وخواني الصحة والعافية و نضل ايد وحده طوول عمرنا ويحقق لكل واحد منا امانيه واحلامو بصراحة انا هاد عندي ياه بسوى الدنيا و الكرة الارضية و الى فيها

5.لو قالوا لك نرجع لك انسان فقدته؟
انا في حياتي فقدت اغلى تلات اشخاص اثرو عليي بس المشكلة كل واحد رجع ببلدو وهاي حال الغربة بتفرق القلوب بعد ما تجمعها

6.لو قالوا لك اختر شخصية امرأة مثالية أثرت فيك ؟
امهات المؤمنين رضي الله عنهم ونساء زمن الرسول صلى الله عليه وسلم لانهم بجد نساء رائعات بكل ما تحمله الكلمة من معنى

7.لو قالوا لك اختر شخصية رجالية مثالية أثرت فيك ؟
عمر بن الخطاب رضي الله عنه بحب ذكاؤه و دهاؤه و حكمتو وياريت لو اغلب الشباب متلو

8.لو قالوا لك ماهي أجمل دمعة داعبت وجنتيك؟
دمعة الصبر

9.لو قالوا لك نرجعك لفترة معينة ما هي الفترة؟
ممممممم فترة وانا بالمدرسة لاني كنت كتير انبسط فيها و بنهفاتها بس ما يكون فيها دراسة ههههههههههه

10.لو قالوا لك الحياة حلوة؟
انا بحكيلهم و اصلا الى بحكي غير هيك ما بكون حاسس بالنعمة غير بس يفقدها




11.لو قالوا لك الموت أهون؟

انا بحكيلهم مافي شي بالدنيا هين بكفي الموت هو النهاية و النهاية بحد ذاتها من كلمة مخيفة شو ما كانت سعيده او حزينة
12.لو قالوا لك متى ستعلن الحزن؟
بصراحة انا بهاي الفترة عم بمر بامر بخلي في عندي تضاد بالمشاعر فرحة غامرة و بنفس الوقت حزن يعتصر قلبي لفراق اشخاص شاركوني طفولتي و كل مراحل حياتي و افراحي واحزاني

13.لو قالوا لك ماهو الخيال الذي يراودك كل ليلة؟
ما كتير برادوني اشياء بالليل لاني طول الوقت بضل قاعده مع اهلي او مع الناس وما بروح عسريري لا ازا كنت نعسااااااااااااانة فبنام بدون ما افكر بشي

14.لو قالوا لك ماذا تود أن تحلم في منامك اللية؟
بصراحة نفسي احلم بالرسول صلى الله عليه وسلم و نفسي احلم بسيدو الله يرحمو

15.لو قالوا لك سنطلي غرفتك ما هو اللون الذي ستختاره؟
مم لون زهري مع مووف / او تركوازي مع بيج / خمري مع دهبي

16.لو قالوا لك من ماذا يتكون قلبك؟
الحمدلله قلبي كلو حب و حنان و تسامح للجميع

17.لو قالوا لك أضف شيئا لحياتك؟ سواء شخص ، عادة، صفة......
بتعرف انا نفسي اني اضيف شخص لحياتي هو موجود بس انا ما بدي اعطي حيز بحياتي عشان انا متاكده انو بالنهاية حنفترق عشان هيك شعور صعب تكون بدك شخص بس مو قادر تكون صداقة معو عشان الجغرافية بتحتم عليك الفراق القريب

18.لو قالوا لك انزع شيءا من حياتك؟ سواء شخص ، عادة، صفة......
بصراحة احذف كم ذكرى من ذكريات الماضي نهائيا

19.لو قالوا لك أي سؤال يحرجك؟
اي سؤال يلعب به القدر وليس بايدينا

20.لو قالوا لك أي سؤال يأثر فيك؟
مممم بصراحة انا ما بعرف او مو متزكرة

21.لو قالوا لك أي شخص تتمنى له كل كل الخير؟
بكون ظالمة لو قلت شخص واحد في اشخاص كتييييير وبيني وبينك كل الناس بتمنالهم الخير لاني متل ما بتمنى لحالي بتمنى لغيري

22.لو قالوا لك أي شخص تعتز به؟
ابي وامي هني الوحيد الى بتساهلو اعتز فيهم اقل حق وواجب من واجباتنا عليهم

اعتذر جدا منك لان اسئلتي طويلة وكثيرة

اخي انا الى بعتزر لو كانت اجاباتي مو كتير واضحة او مبهمة في بعضها بس بالعكس اسئلتك كتير حلوة و بستنى رجعتك وباسئلة اكتر J


اتمنى ان لا تملي من الاجوبة ولك حرية الاجابة او الاختصار بالاسئلة
مشكور ةجدا
المارد الاحمر